CloudstoreMaxfiylik siyosati
Oxirgi yangilanish: 2026-yil 7-noyabr
Qisqasi: biz faqat xizmat ishlashi uchun kerak bo'lgan narsalarni bilamiz. Saytingiz va undagi ma'lumotlar bizda saqlanmaydi.
Biz nimani bilamiz
- Emailingizni. Google orqali kirganingizda Google bizga faqat emailingizni aytadi. Parolingizni biz hech qachon ko'rmaymiz.
- Kompyuteringiz nomini. «Hisob» bo'limida qaysi kompyuterlardan kirganingizni o'zingiz ko'rib turishingiz uchun.
- Kalitning ochiq qismini. Ilova kompyuteringizda maxfiy kalit yaratadi va u o'sha yerda qoladi. Bizga faqat uni tekshirish uchun kerak bo'lgan ochiq qismi keladi.
- Siz tanlagan nomlarni — masalan, alishop.
- Bir kunda qancha trafik ishlatganingizni — faqat raqam, chegaralarni hisoblash uchun.
- Texnik yozuvlarni: IP manzil, ulanish vaqti, xatolar. Biror narsa buzilsa, sababini topish uchun kerak.
Nimani saqlamaymiz
Saytingizning kodi va fayllari sizning kompyuteringizda qoladi. Saytingizga keladigan so'rovlar va javoblar serverimiz orqali o'tadi, lekin biz ularni saqlamaymiz va o'qimaymiz — shunchaki manziliga yetkazib beramiz.
Bu ma'lumotlar nimaga kerak
Faqat xizmat ishlashi uchun: sizni tanish, nomingizni boshqa birov egallab olmasligi, chegaralarni hisoblash va xizmatdan yomon maqsadda foydalanishning oldini olish uchun. Reklama ko'rsatmaymiz, ma'lumotlaringizni hech kimga sotmaymiz.
Kimga beriladi
Hech kimga. Kirish Google orqali bo'lgani uchun Google siz Cloudstore'ga kirganingizni biladi — bu Google'ning o'z qoidalari asosida ishlaydi. Faqat qonun talab qilgan holatda vakolatli idoralarga berilishi mumkin.
Ma'lumotlaringizni o'chirish
Kompyuterni hisobdan chiqarish va nomlarni bo'shatish ilovaning «Hisob» bo'limida bor. Hisobingizni butunlay o'chirmoqchi bo'lsangiz, Telegram'da yozing — o'chirib beramiz.
Agar biror narsa o'zgarsa
Yangi matnni shu sahifaga qo'yamiz va yuqoridagi sanani yangilaymiz.
Savol bo'lsa
Telegram'da yozing: @a_akosh